"Өнөр бүл: өнөө цагт" МУСК

Авто засварын газар токарьчин, инженер ажилтай, үйлдвэрийн гарамгай ажилтан Гармаа хэмээх тусч сайхан сэтгэлтэй ганц бие залуу Цэрмаа хэмээх бүсгүйтэй сандаагүй танилцсанаар кино эхэлдэг. Гармаа төрсөн эгчийгээ эмнэлгээс гаргахаар ганцаар явж байсан охинд туслах бөгөөд санаандгүй байдлаар 2 ихэр хүү, ээжийн хамт зургаа авхуулна. Үйлдвэрийн дарга шилдэг ажилчдаа амралтад явах эрхээр шагнаж Гармаа амралтад очтол танилцсан бүсгүй Цэрмаатайгаа дахин таарна. Тэд амралтад дотно танилцан амралтыг зугаатай өнгөрөөнө. Энэ үед хотод нэгэн явдал өрнөх бөгөөд түүний 2 ихэр болон тэдний ээжтэй нь хамт авхуулсан зураг сонинд хэвлэгдсэнээс улбаатай байх болно. Гармаагын ээж хөдөөнөөс ихэр ачаа үзэхээр яаран ирэх бөгөөд үйлдвэрийн дарга Гармаад байр бэлдэж, үйлдвэрийн хамт олон түүнд баяр хүргэхээр хүлээцгээнэ. Харин нөгөө талд 2 ихэр хүүгийн жинхэнэ аав зоотехникч Гармаа хөдөөнөөс хүүхдүүддээ очихоор яаран хот руу гарна. Зоотехникч Гармаа бусдын ярианаас сонинд гарсан инженер Гармаагын талаар сонсон 2 ихрийг өөрийн хүүхэд мөн эсэхэд эргэлзэн эхнэрээ хардан бухимдахад хүрнэ. Сонины паян үүгээр зогсохгүй Цэрмаагийн сонорт хүрч Цэрмээ Гармаад эгдүүцэн уурлана. Хайр дурлал нь бүтэлгүйтсэн Гармаа захирлаасаа хүссэн байраа авсан ч учир байдлыг тайлбарлаж чадахгүй будилан эцэст нь сонины эрхлэгчид хандан учир байдлаа хэлнэ. Ачаа үзэх гэсэн ээжийн хүсэл талаар болж Гармаа Цэрмаад учир байдлаа хэлэхээр түүний эрэлд гарна. Сонины эрхлэгч зурагчин залууд арга хэмжээ аван Гармаад залруулга захиа бичиж өгнө. Киноны төгсгөлд Гармаа найзынхаа тусламжтайгаар автобус баазад ажилтай Цэрмааг олон залруулга захиагаа түүнд дамжуулан учир байдлыг ойлгуулна. Харамсалтай нь болзсон газраа очиж чадаагүйгээс болж дурлалт бүсгүй Цэрмаа нь хөдөө явж кино дуусдаг.